Procureure du SPPC reconnue non coupable d’outrage au tribunal par la Cour de justice du Nunavut
ᓄᓇᕗᒻᒥ ᐃᖅᑲᖅᑐᐃᕕᒃᑯᑦ ᓇᓂᓯᕗᑦ PPSC−ᑯᑦ ᐃᖅᑲᖅᑐᖅᑕᐅᑎᑦᑎᔨᖓ ᐸᓯᔭᒃᓴᐅᙱᖦᖢᓂ ᐅᓚᕕᓴᐃᓂᕐᒧᑦ
ᓄᓇᕗᑦ − ᔭᓄᐊᕆ 6, 2023 – ᔪᓚᐃ 13, 2022−ᒥ, ᐃᖅᑲᖅᑐᖅᑕᐅᑎᑦᑎᔨ ᐃᐊᒪ ᐹᔅ ᐅᖃᐅᔾᔭᐅᓚᐅᖅᐳᖅ ᐸᓯᔭᐅᔪᖅ ᐸᓴᒋᔭᐅᓂᖓᓂᒃ ᐅᓚᕕᓴᐃᓂᕐᒥᑦ ᑕᐅᑐᒃᑎᒧᑦ ᖃᐅᔨᓴᖅᑕᐅᓂᐊᓚᐅᖅᑐᖅ ᐃᖅᑲᖅᑐᖅᑕᐅᑎᓪᓗᒍ ᓄᓇᕗᒻᒥ ᐃᖅᑲᖅᑐᐃᕕᖓᓂ ᐃᖃᓗᖕᓂ ᐅᓪᓛᒃᑯᑦ. ᑐᑭᓯᒋᐊᒐᒃᓴᑦ ᐊᑐᐃᓐᓇᕈᖅᑎᑕᐅᔪᑦ ᐸᓖᓯᒃᑯᓐᓄᑦ ᑎᒍᔭᐅᔾᔪᑕᐅᓚᐅᖅᐳᑦ ᐸᓯᔭᒃᓴᙳᖅᑎᑕᐅᔪᒧᑦ ᐃᖅᑲᖅᑐᐃᕕᐅᑉ ᓯᓚᑖᓂ.
ᓄᓇᕗᒻᒥ ᐃᖅᑲᖅᑐᐃᕕᖓ ᑲᑐᔾᔨᖃᑎᒋᔭᖓᑦ ᑲᒪᒋᔭᖃᓚᐅᖅᑐᖅ ᑎᒍᔭᐅᔪᖃᕐᓂᐊᖅᑎᓪᓗᒍ ᐃᖅᑲᖅᑐᐃᕕᐅᑉ ᐃᓗᐊᓂ ᐃᖅᑲᖅᑐᖅᑕᐅᕝᕕᒃᓴᖓ ᑎᑭᓚᐅᙱᑎᓪᓗᒍ.
ᓄᓇᕗᒻᒥ ᐃᖅᑲᖅᑐᐃᕕᖓ ᖃᐅᔨᓚᐅᖅᐳᑦ ᒥᔅ ᐹᔅ ᐸᓯᔭᒃᓴᐅᙱᖦᖢᓂ ᑭᓯᐊᓂ ᐅᖃᐅᓯᖃᖅᖢᓂ ᐃᓱᒪᓕᐊᕆᔭᐅᔪᒥᒃ ᑕᐃᔭᐅᔪᒥᒃ ᓱᓕᓂᖓᓂᒃ ᐊᒻᒪ ᐃᓕᖅᑯᓯᑦᑎᐊᕙᖏᓐᓂᒃ ᐊᐱᖅᑯᑕᐅᔪᒥᒃ. PPSC−ᑯᑦ ᐃᓱᒪᕗᑦ ᐃᖅᑲᖅᑐᖅᑕᐅᑎᑦᑎᔨ ᐱᓕᕆᑦᑎᐊᖃᑦᑕᕐᓂᖓᓂᒃ ᖃᖓᓕᒫᑦᑎᐊᖅ.
ᑲᑎᒪᑎᓪᓗᒋᑦ ᔪᓚᐃ 13, 2022−ᒥᑦ, ᒥᔅ ᐹᔅ ᐱᓕᕆᐊᖃᓚᐅᖅᑐᖅ ᒪᓕᒃᖢᑎᒃ PPSC−ᑯᑦ ᐱᓇᓱᐊᑦᑎᐊᕆᐊᖃᕐᓂᕐᒧᑦ ᐊᐅᓚᑕᐅᔾᔪᑎᖏᓐᓂᑦ ᒪᓕᒃᖢᓂᒋᓪᓗ ᑐᙵᕕᐅᔪᑦ ᐋᖅᑭᒃᑕᐅᓯᒪᔪᑦ PPSC−ᑯᑦ ᑎᑎᕋᕐᕕᒃᓴᖓᓂᑦ. PPSC-ᑯᑦ ᐃᑲᔪᖅᑐᐃᑦᑎᐊᖅᑐᑦ ᒥᔅ ᐹᔅᒥᒃ.
ᑲᓇᑕᒥ ᐸᓯᑦᑎᔩᑦ ᑲᓇᑕᒥ ᑲᑐᔾᔨᖃᑎᒌᖑᕗᑦ ᑲᒪᒋᔭᒃᓴᖃᖅᖢᑎᒃ ᐃᖅᑲᖅᑐᖅᑕᐅᑎᑦᑎᓪᓗᑎᒃ ᐱᕋᔭᒍᑕᐅᔪᓂᒃ ᑲᓇᑕᒥ ᑭᒡᒐᖅᑐᐃᕕᐅᔪᓂᒃ ᖃᓄᑐᐃᓐᓇᖅ ᓈᒻᒪᙱᑦᑐᓂᒃ ᐊᒃᑐᐃᔾᔪᑕᐅᔪᓐᓇᙱᖦᖢᑎᒃ ᐊᒻᒪ ᐃᒃᐱᒍᓱᑦᑎᐊᖅᖢᑎᒃ ᐃᓄᖕᓄᑦ ᐱᓕᕆᐊᒃᑯᒥᒋᔭᐅᔪᓂᒃ. PPSC−ᑯᑦ ᑲᒪᒋᔭᒃᓴᖃᕆᕗᑦ ᐊᑐᐃᓐᓇᐅᑎᑦᑎᕙᒡᓗᑎᒃ ᐃᖅᑲᖅᑐᖅᑕᐅᔪᓄᑦ−ᐊᒃᑐᐊᔪᓂᒃ ᐅᖃᐅᔾᔪᐃᕙᒡᓗᑎᒃ ᒪᓕᒐᕐᓂᒃ ᐊᑐᓕᖅᑎᑦᑎᔨᑦ ᑐᑦᑕᕐᕕᖏᓐᓂᒃ ᑲᓇᑕᓕᒫᒥ.
– 30 –
ᑐᑭᓯᐅᒪᔾᔪᑏᑦ:
ᑐᓴᒐᒃᓴᓕᕆᔨᒃᑯᑦ
613-954-7803
media@ppsc-sppc.gc.ca
www.ppsc-sppc.gc.ca
- Date de modification :