Décision de ne pas faire appel dans l'affaire d'une adolescente

ᐅᓐᓂᕐᓗᒃᑐᖃᓚᐅᖅᑎᓪᓗᒍ ᐃᓱᒪᓕᐅᕈᑦ ᒪᒃᑯᒃᑐᖅ ᐱᔾᔪᑕᐅᓗᓂ

ᐃᖃᓗᐃᑦ – ᑎᓯᐱᕆ 20, 2021 – ᐃᖅᑲᖅᑐᖅᑕᐅᑎᑦᑎᔨᓄᑦ ᐊᐱᖅᓱᖅᑎᓄᑦ ᐱᔨᑦᑎᖅᑐᑦ ᑲᓇᑕᒥ ᐱᔭᒃᓴᖃᖅᐳᑦ ᐊᐱᖅᓱᕐᓗᑎᒃ ᐱᕋᔭᒃᑐᖃᖅᑐᕕᓂᐅᑎᓪᓗᒍ ᓄᓇᕗᒻᒥ.

ᐃᓚᖓᑦ ᑖᒃᑯᐊ ᐃᖅᑲᖅᑐᖅᑕᐅᑎᑦᑎᔨᓄᑦ ᐊᐱᖅᓱᖅᑎᓄᑦ ᐱᔨᑦᑎᖅᑐᑦ ᑲᓇᑕᒥ ᐱᓕᕆᐊᖓᑦ ᕿᒥᕐᕈᕐᓗᑎᒃ ᑎᒍᔭᒃᓴᓕᐊᖑᔪᖃᖅᑎᓪᓗᒍ ᐃᓱᒪᓕᐊᖑᔪᓂᑦ ᖃᐅᔨᓴᖅᑕᐅᓗᑎᒃ ᑕᒻᒪᖅᓯᒪᔪᖃᖏᒃᑲᓗᐊᕐᒪᖔᖅ ᐊᑐᐊᒐᑎᒍᑦ, ᑕᒻᒪᖅᓯᒪᔪᖃᖏᒃᑲᓗᐊᕐᒪᖔᖅ ᒪᓕᒐᖅᑎᒍᑦ, ᐅᕝᕙᓘᓐᓃᑦ ᑎᒍᔭᐅᔪᒃᓴᓕᐅᕈᑕᐅᔪᖅ ᓇᓗᓇᖏᓪᓗᓂ ᓈᒻᒪᖏᓐᓂᖓ. ᑭᖑᓂᖓᓂ ᕿᒥᕐᕈᔭᐅᓚᐅᖅᑎᓪᓗᒍ ᐃᓱᒪᓕᐅᕆᔾᔪᑎᕕᓂᖅ ᑎᒍᔭᒃᓴᓕᐅᕐᓂᕐᒧᑦ ᓄᓇᕗᑦ ᐃᖅᑲᖅᑐᐃᕕᖕᒥ R ᓴᓂᐊᓂ F.O.−ᒥᒃ, ᑖᒃᑯᐊ ᐃᖅᑲᖅᑐᖅᑕᐅᑎᑦᑎᔨᓄᑦ ᐊᐱᖅᓱᑎᓄᑦ ᐱᔨᑦᑎᖅᑐᑦ ᑲᓇᑕᒥ ᓇᓗᓇᐃᖅᓯᓚᐅᖅᑎᓪᓗᒋᑦ ᐅᓐᓂᕐᓗᒍᑕᐅᒍᓐᓇᖏᓐᓂᖓᓂᒃ, ᐊᒻᒪᓗ ᑎᒍᔭᐅᔾᔪᑎᒃᓴᓕᐊᖅ ᐊᑖᓃᓐᓂᖏᑉᐸᑦ ᐊᖏᖅᑕᐅᒍᑕᐅᕙᒃᑐᓄᑦ ᑎᒍᔭᐅᓂᕐᒧᑦ ᐃᓅᓱᒃᑐᒧᑦ ᒪᓕᒡᓗᒍ ᒪᒃᑯᒃᑐᓄᑦ ᐱᕋᔭᒃᑐᓄᑦ ᐃᖅᑲᖅᑐᐃᕕᒃᑯᑦ ᐱᖁᔭᕐᒥ, ᓯᕗᓪᓕᐅᑎᑦᑎᔪᖅ ᐋᖅᑭᒋᐊᕆᓂᕐᒥᒃ ᒪᒥᓴᕐᓂᒥᓪᓗ ᑎᒍᔭᐅᔪᖃᕐᓂᐊᑎᓪᓗᒍ.

ᑖᒃᑯᐊ ᐃᖅᑲᖅᑐᖅᑕᐅᑎᑦᑎᔨᓄᑦ ᐊᐱᖅᓲᑎᓄᑦ ᐱᔨᑦᑎᖅᑐᑦ ᑲᓇᑕᒥ ᐱᕋᔭᕐᓂᒃᑯᑦ ᐃᖅᑲᑐᖅᑕᐅᔪᓂᒃ ᖄᖐᓐᓈᕆᖃᑦᑕᖏᒻᒪᑕ, ᐱᓗᐊᖅᑐᒥᓗ ᑲᒪᒋᔭᖃᕈᑎᒃ ᐃᓅᒍᓐᓃᖅᑐᖃᖅᑐᕕᓂᐅᑎᓪᓗᒍ ᐱᓂᕐᓗᓂᒃᑯᑦ. ᑲᔪᖏᖅᓴᐃᕗᒍᑦ ᐊᒃᑐᓂᕐᓗᑦᑕᐅᓯᒪᔪᖃᖅᐸᑦ ᐃᓱᒪᓕᐅᕈᑕᐅᔪᕕᓂᕐᒥᒃ ᐃᑲᔪᖅᑕᐅᒍᒪᔪᖃᕐᓂᖅᐸᓪᓗ ᓄᓇᓕᖕᓂᓕ ᐱᓕᕆᖃᑎᒌᒃᑐᓄᑦ ᖃᐅᔨᒃᑲᐃᓗᑎᒃ.

ᑖᒃᑯᐊ ᐃᖅᑲᖅᑐᖅᑕᐅᑎᑦᑎᔨᓄᑦ ᐊᐱᖅᓲᑎᓄᑦ ᐱᔨᑦᑎᖅᑐᑦ ᑲᓇᑕᒥ ᑎᒥᖁᑕᐅᔪᑦ ᑲᓇᑕᓕᒫᒥ ᐱᔭᒃᓴᕆᓪᓗᓂᐅᒃ ᐃᖅᑲᖅᑐᖅᑕᐅᑎᑦᑎᓂᖅ ᒪᓕᒡᓗᒍ ᒐᕙᒪᑐᖃᒃᑯᑦ ᑭᓪᓕᓕᐅᕆᓯᒪᓂᖓᓂᒃ ᑕᒪᒃᑯᓂᖓ ᑲᒪᒋᔭᖃᕐᓂᕐᒧᑦ ᐸᓯᑦᑎᑐᐃᓐᓇᖏᓪᓗᑎᒃ ᐃᖅᑲᒋᔭᖃᕐᓗᓂᓗ ᑭᒃᑯᑐᐃᓐᓇᐃᑦ ᐱᔪᒪᔭᖏᓐᓂᒃ. ᑖᒃᑯᐊ ᐃᖅᑲᖅᑐᖅᑕᐅᑎᑦᑎᔨᓄᑦ ᐊᐱᖅᓲᑎᓄᑦ ᐱᔨᑦᑎᖅᑐᑦ ᑲᓇᑕᒥ ᐱᔭᒃᓴᖃᕐᒥᔪᑦ ᐊᑐᐃᓐᓇᐅᑎᑦᑎᓂᕐᒥᒃ ᐃᖅᑲᖅᑐᖅᑕᐅᑎᑦᑎᓂᕐᒧᑦ−ᑐᕌᖓᔪᓂᒃ ᐅᖃᐅᔾᔨᒋᐊᕈᑎᖃᕐᓗᑎᒃ ᒪᓕᒐᓕᕆᓂᕐᒧᑦ ᑲᒪᔨᓂᒃ ᑲᓇᑕᓕᒫᒥ.

– 30 –

ᑐᑭᓯᒋᐊᒃᑲᓐᓂᕐᕕᒃᓴᖅ:

ᑐᓴᕋᒃᓴᓕᕆᔩᑦ
613-954-7803
media@ppsc.gc.ca
www.ppsc-sppc.gc.ca

Date de modification :