PPSC concludes review of Investigation into RCMP Officer-Involved Shooting in Kinngait, Nunavut
ᑯᐃᑉ ᑭᒡᒐᖅᑐᐃᔨᒃᑯᖏᓐᓂ ᑲᓇᑕᒥ (PPSC) ᐱᖃᓯᐅᔾᔨᒻᒪᑕ ᖃᐅᔨᓴᕐᓂᕐᒥᑦ ᐸᓖᓯᒃᑯᓐᓂ ᐃᓚᒋᔭᐅᑎᓪᓗᒍ ᖁᑭᐊᔪᒥᓂᕐᓂᑦ ᑭᓐᖓᕐᓂᑦ, ᓄᓇᕗᒻᒥ
ᓄᓇᕗᑦ − ᔭᓄᐊᕆ 5, 2023 – ᑯᐃᑉ ᑭᒡᒐᖅᑐᐃᔨᒃᑯᖏᓐᓂ ᑲᓇᑕᒥ (PPSC) ᖃᐅᔨᓴᕇᓚᐅᕐᖓᑕ ᐸᓖᓯᑯᓐᓂ ᐅᓂᒃᑳᓕᐅᖅᑐᑎᓪᓗ ᐅᓗᕆᐊᓇᖅᑐᐊᓘᓚᐅᓐᖏᑐᖅ ᖁᑭᐊᔪᒥᓃᒃ ᒪᕐᕉᒃ ᐸᓖᓰ, ᐅᕕᓂᖓᒍᑦ ᐋᓐᓂᑐᐃᓐᓇᓚᐅᖅᑐᖅ ᐅᑭᐅᓕᒃ 30−ᓂᒃ, ᑭᓐᖓᕐᓂ, ᓄᓇᕗᒻᒥ ᐅᑐᐱᕆ 15, 2021-ᖑᑎᓪᓗᒍ.
ᐸᓖᓯᒃᑯᑦ ᑲᓇᑕᒥ ᐊᕕᑦᑐᖅᓯᒪᔪᒥᑦ ᓇᒻᒥᓂᖅ ᖃᐅᔨᓴᓚᐅᖅᓯᒪᒻᒪᑕ ᐸᓖᓯᒃᑯᑦ ᖁᑭᐊᔪᖃᖅᑐᒥᓂᐅᑎᓪᓗᒍ. ᖃᐅᔨᓴᖅᑕᒥᓂᕐᒥᓂᒃ ᐅᓂᒃᑳᓕᐅᖅᑐᑎᓪᓗ ᑯᐃᑉ ᑭᒡᒐᖅᑐᐃᔨᒃᑯᖏᓐᓂ ᑲᓇᑕᒥ (PPSC) ᕿᒥᕐᕈᓂᕆᓚᐅᖅᑕᖏᓐᓂ.
ᑯᐃᑉ ᑭᒡᒐᖅᑐᐃᔨᒃᑯᖏᓐᓂ ᑲᓇᑕᒥ (PPSC) ᓇᓗᓇᐃᖅᓯᓚᐅᖅᑐᑦ ᑕᑯᓯᒪᔭᖏᓐᓂ ᐸᓖᓯᒃᑯᑦ ᐃᓚᒋᔭᒥᓃᑦ, ᐊᓯᖏᓪᓗ ᐸᓖᓰᑦ ᐊᒻᒪᓗ ᑭᒃᑯᑐᐃᓐᓇᐃᑦ, ᐅᓗᕆᐊᓇᖅᑐᒦᑦᑕᐅᑎᒋᑲᐃᓐᓇᓚᐅᖅᓯᒪᔪᑦ. ᐃᓄᒃ ᐊᑕᐅᓯᐊᕐᓇᓂ ᑐᕌᖅᑎᑦᑎᓚᐅᖅᓯᒪᒻᒪᑦ ᖁᑭᐅᑎᒥᒃ ᐃᓕᓂᐊᕐᕕᐅᑉ ᐸᓯᖓᓐᓂ ᓱᕈᓯᖅᑕᓕᓐᓂᒃ, ᐸᓖᓯ ᑭᓐᖓᕐᓂᑦ ᐊᒻᒪᓗ ᐸᓖᒧᑦ. ᐸᓖᓯᑦ ᑲᑉᐱᐊᓱᓕᕐᖓᑎᒃ ᑕᐃᓐᓇ ᐅᑎᕐᓂᐊᖅᑐᒋᔭᐅᓪᓗᓂ ᐊᖏᕐᕋᒧᑦ ᖁᑭᐅᓯᔭᕐᓗᓂ. ᑕᐃᒪᐃᑦᑎᓪᓗᒍ, ᒪᓕᒐᖅᑎᒍᑦ ᒪᓕᑦᑐᑎᑦ ᖁᑭᕆᐊᓕᖅᑐᒥᓃᑦ ᐊᑦᑕᓇᖅᑐᒦᓐᓂᖏᓐᓂ ᐊᓯᖏᓐᓂᓪᓗ ᐸᖅᑭᑦᑎᔭᕆᐊᖃᕐᓂᖏᓐᓄᑦ.
ᑯᐃᑉ ᑭᒡᒐᖅᑐᐃᔨᒃᑯᖏᓐᓂ ᑲᓇᑕᒥ (PPSC) ᓇᓗᓇᐃᖅᓯᓕᓚᐅᖅᑐᑦ ᖁᑭᐊᓂᖓᓐᓂ ᒪᓕᒐᕐᓂ ᒪᓕᑦᑐᑎᑦ ᐃᓚᖓᓐᓃᑦᑐᒥᑦ 25−ᒥ ᐱᕋᔭᑦᑐᓕᕆᓂᕐᒧᑦ ᒪᓕᒐᕐᓂᑦ. ᐃᓚᖓᓐᓃᑦᑐᒥᑦ 25−ᒥᑦ ᐱᕋᔭᑦᑐᓕᕆᓂᕐᒧᑦ ᒪᓕᒐᕐᓂᑦ ᓇᓗᓇᐃᖅᓯᑦᑎᐊᓚᐅᖅᑐᑦ ᐸᓖᓰᑦ ᑕᐃᒪᐃᒍᓐᓇᖅᑎᑕᐅᓂᖏᓐᓂ ᑕᐃᒪᐃᑦᑐᒦᑎᓪᓗᒋᑦ. ᖁᑭᕆᐊᕐᓗᑎᑦ ᖁᑭᐅᑎᒥᓂᒃ ᓇᒻᒥᓂᖅ ᐸᖅᑭᔭᕆᐊᖃᕐᓂᕐᒥᓂᒃ ᑕᐃᒪᐃᑦᑐᑎᒃ ᐅᕝᕙᓘᓐᓃᑦ ᐊᓯᖏᓐᓄ ᐸᖅᑭᑦᑎᔭᕆᐊᖃᕈᑎᒃ, ᐱᖃᓯᐅᑎᓪᓗᒋᑦ ᑭᒃᑯᑐᐃᓐᓇᐃᑦ ᐃᓄᐃᑦ, ᑐᖁᔪᖃᖁᔨᓇᑎ ᐋᓐᓂᖅᑐᖃᖁᔨᓇᑎᓪᓘᓐᓃᑦ.
ᑕᐃᒪᐃᓐᓂᖓᓐᓄᑦ, ᐅᑉᐱᕆᔭᐅᔪᒃ ᒪᕐᕉᒃ ᐸᓖᓯᒃᑯᒃ ᖁᑭᐊᓂᒥᓂᕐᒥᓂᒃ ᓯᖁᒥᑦᑎᓯᒪᓐᖏᑦᑑᒃ ᐱᕋᔭᑦᑐᓕᕆᓂᕐᒧᑦ ᒪᓕᒐᕐᓂᒃ.
– 30 –
ᑐᑭᓯᐅᒪᔾᔪᑏᑦ:
ᑐᓴᒐᒃᓴᓕᕆᔨᒃᑯᑦ
613-954-7803
media@ppsc-sppc.gc.ca
www.ppsc-sppc.gc.ca
- Date modified: