Kuip Kiggaqtuijikkunginni Kanatami (PPSC) Piqasiujjimmata Qaujisarnirmit Paliisikkunni Ilagijautillugu Qukiajuminirnit Kinngarnit, Nunavummi

Nunavut - Jaannuari 5, 2023 - Kuip Kiggaqtuijikkunginni Kanatami (PPSC) qaujisariilaurngata Paliisikunni unikkaaliuqtutillu ulurianaqtualuulaunngituq qukiajuminiik marruuk Paliisii, uviningagut aannituinnalauqtuq ukiulik 30−nik, Kinngarni, Nunavummi Utupri 15, 2021-ngutillugu.

Paliisikkut Kanatami Avittuqsimajumit namminiq qaujisalauqsimammata paliisikkut qukiajuqaqtuminiutillugu Qaujisaqtaminirminik unikkaaliuqtutillu Kuip Kiggaqtuijikkunginni Kanatami (PPSC) qimirrunirilauqtanginni.

Kuip Kiggaqtuijikkunginni Kanatami (PPSC) nalunaiqsilauqtut takusimajanginni Paliisikkut ilagijaminiit, asingillu paliisiit ammalu kikkutuinnait, ulurianaqtumiittautigikainnalauqsimajut. Inuk atausiarnani turaaqtittilauqsimammat qukiutimik iliniarviup pasinganni surusiqtalinnik, Paliisi Kinngarnit ammalu paliimut. Paliisit kappiasulirngatik tainna utirniaqtugijaulluni angirramut qukiusijarluni. Taimaittillugu, maligaqtigut malittutit qukirialiqtuminiit attanaqtumiinninginni asinginnillu paqqittijariaqarninginnut.

Kuip Kiggaqtuijikkunginni Kanatami (PPSC) nalunaiqsililauqtut qukianinganni maligarni malittutit ilanganniittumit 25−mi Pirajattulirinirmut Maligarnit. Ilanganniittumit 25−mit Pirajattulirinirmut Maligarnit nalunaiqsittialauqtut paliisiit taimaigunnaqtitauninginni taimaittumiitillugit. Qukiriarlutit qukiutiminik namminiq paqqijariaqarnirminik taimaittutik uvvaluunniit asinginnu paqqittijariaqarutik, piqasiutillugit kikkutuinnait inuit, tuqujuqaqujinati aanniqtuqaqujinatilluunniit.

Taimainningannut, uppirijaujuk marruuk paliisikkuk qukianiminirminik siqumittisimanngittuuk pirajattulirinirmut maligarnik.

– 30 –

TUSAUMAJJUTIKSAT:

Tusagaksalirijit
613-954-7803
media@ppsc-sppc.gc.ca
www.ppsc-sppc.gc.ca

Date modified:

2023-01-05