IHUMALIURUT UUKTUFAAGITAAGANI INULRAMIUP PIJUTIGIYAANI

IQALUKNI – December 20-mi 2021-mi – Inuknik Apiqhuiyuliqiyini Ikayuutit Kanatami havaaqaqtut apiqhuriagani ihuinaarutauyut pijutit Ukiuqtaqtumi Nunavumi.

November 10-mi 2021-mi, ukiugituq inuk taniqtuqtauyuq siksini tatqiqhiutini itiqtauhimayaagani, siksini tatqiqhiutini munariyauyaagani nunagiyauyumi 12-nilu tatqiqhiutini maligaqhaqaqniaqtuq kiguani ihuinaqtuqniraqmat tuquhainiqmik.

Ilagiya PPSC-kut havaagani ihivriuriagani taniqtuijutini ihumaliurutit ilituqhariagani ihuituqaqmagaa pitquhiqmi, ihuituqaqmagaa maligami, taniqtuijuluniit nalunaiqat ihuaginiganik. Ihivriuqtaaqata tuniqtuijunmi ihumaliurut tuniyauyuq Nunavumi Apiqhuiyuliqiyinit uvani R. akiraqtuqniga F.O-mi, PPSC-kut ihumaliuqtut pivikhaqaginiganik uuktufaariagani. Taniqtuijut igataumagituq ihuariyauyumit qanurinigani taniqtuijutini inulramiqmik ilagani Inulramiit Ihuinarutiqaqtuliqiyit Maligaqyuagani, havaarilraarumayait mamitpalianiginik ilaliutivalianiginiklu pijutauluaqtunik qanurinigani taniqtuijutit. Taimainigani, taniqtuijut uuktuqtaufaalimagituq.

Inuknik Apiqhuiyuliqiyini Ikayuutit Kanatami nunaqyuami timiuyuq havaaqaqtuq apiqhuutauyaagani ihuinarutit ilagani kavamatuqait ataniqtuijutaani ima piqagitumik ihuitumik pivaalirutauyumik ihumagiyaqaqtumiklu inuit ihumagiyait. PPSC-kut havaaqaqtulu pipkaiyaagani apiqhuijutini pijutiqaqtunik ihumakhaqhiurutinik maliganik atuqtitiyunit havakviuyuni humiliqaa Kanatami.

– 30 –

HIVUNIQHIJUTIKHAT:

Tuhagakhaliqiyit Havaqatigiyauniginik
Hivayautaa : 613-954-7803
Qaritauyakut : media@ppsc.gc.ca -mi
Qungiakhaq : www.ppsc-sppc.gc.ca -mi

Date modified: